石之牛石板日式料理 (已結業)

深水埗开咗间平民石板烧，咁啱经过都可以试试！里面到入边都有唔少位置✅最平$58就可以食到200g嘅牛板腱😳入边都挂咗唔少日本嘅装饰，食饭之余都可以望到唔同嘅摆设，基本上系不设划位，位置唔算多，都有唔少街坊黎食，可能晚市都要排队！只要order任何一个晚餐，可以任食罗宋汤，白饭，自摇沙律菜杯！当然仲有唔同嘅酱汁俾你选择，呢个价钱嚟讲都算实惠！✊🏼百零蚊就可以试到唔同嘅牛部位，我就order左2份，西冷牛扒同埋牛肩胛。一拎上嚟基本上得1成至2成熟，要靠𠮶块石板整熟佢，期间都需要你不断地反转，落少少盐会更加好食！牛黎讲，其实都好睇技巧，最紧要唔好整到窿晒，上面👆两种都建议大家试试！🤝每一个餐都会有少少薯条，同埋粟米，其他任食嘅汤同白饭就要自取，当然仲有酱汁，推介蜜糖芥末🙌🏻环境嚟讲，整体都算可以，唯一系需要小心热，可能两个人需要坐四人枱会比较方便， 毕竟块石板好热！😹