手卷駅

营业中

休息中

行行下街见肚饿如果又谂唔到食乜,又唔想太heavy嘅话,都会谂起平平地买番个手卷叹下~以前系帮衬开二楼中间走廊𠮶间架,不过唔知点解突然佢就执咗所以今日就决定喺呢间买嚟试下啦～人流唔算太涌涌,都系小猫三几只,见到大部份都钟意叫鱼生或者海胆口味,有个女仔就喺bar枱上面食紧沙律,睇佢哋拎住嘅食物,觉得都应该几吸引我就叫咗个蟹子沙律手卷,$15蚊好平,里面有几个男师傅手势好似好正宗,全部即叫即整,所以都要时间等一等。喺等待嘅时间望下佢哋舖面同餐牌,见到佢都有注明俾客人知,如果系外卖要出声,佢哋可以另上紫菜,咁就唔怕拎到番屋企会腍哂啦。同埋店舖细细,款式种类都好多,丰俭由人,平至十零蚊,贵至差唔多一百蚊嘅都有。 我只蟹子沙律手卷等咗三几分钟就有喇,size适中,涵料唔算好多不过都好够味,佢啲沙律酱唔系用普通白色𠮶只,系橙橙哋色似千岛酱不过里面仲有蟹子粒,即食紫菜当然系够脆,肚饿嘅话真系食完一个都会仲想食多个,哈哈