Joyful Dessert House (已結業)

瞓醒已经八号风球，以为星期日要全日留系屋企，点知一点半已经落波，即时约朋友去书展，迫左半日朋友话无乜胃口食饭，就揾下附近有咩甜品食啦，就揾到黎呢度喇。餐厅门口已经写住米芝莲推介食品，好彩都唔系好多人，唔驶等位就有得食。朱古力心太软 :朋友最爱食心太软，餐厅推介绿茶心太软，但始终钟意最传统既朱古力味。由于系即叫即整，所以都等左十五分钟，但店员捧上台时，已经闻到好香朱古力味。切开心太软后，暖暖既朱古力浆就慢慢流出，香浓既朱古力心太软配埋滑滑既云呢拿雪糕，非常好味。芒果窝夫 :颜色鲜艳既芒果雪糕配埋烘得甘黄既窝夫，卖相已经非常吸引。窝夫烘得香脆，加埋雪糕同鲜甜芒果粒，唔驶落糖浆都已经够甜啦。埋单每人都系60蚊左右，可以食到米芝莲推介食品，可谓物超所值。