一盅點心

营业中

休息中

今晚突然想食点心，见到屋企附近有间食点心专门店，见个餐牌都几多款式，于是入去试吓。佢地都有几个点心套餐，个价钱非常抵食，所以叫咗2 set 试吓。全日套餐$48怀旧烧卖 - 上面充满蟹子，食落弹牙爽口荀尖虾饺皇 - 好大粒，入面劲多虾肉XO酱菜苗饺 - 成只饺都系菜，上面加埋d xo酱，好惹味香茜潮州粉果，个皮好烟韧，透明到可以睇到入面d饀，点辣椒油食劲正黑金流沙包 - 呢个饱嘅卖相非常靓，一咬落去，d奶黄流晒出黎，好香奶黄味金针云耳滑鸡饭set,其实都有呢3款点心包埋（怀旧烧卖，荀尖虾饺皇，XO酱菜苗饺）个鸡饭d鸡好滑，上面仲有劲多云耳同金针，加埋d煲仔饭豉油，真系一流。爆饀叉烧包，入面真系好多饀，真材实料炸春卷＆炸云吞，2样炸物都炸得非常香脆，春卷入面d饀好靓，系紫色架，卖相真系好吸引，而云吞入面都系成只虾。韮黄鲜虾肠，肠粉晶莹剔透，可以见到d虾喺肠粉入面，肠粉非常滑，而虾都好爽口弹牙最后甜品原笼马拉糕，唔太甜，非常松软可口。