Ideas Dessert (已結業)

复活节第一日假期，我地就俾肉饼雷到，晚饭唔好食，感觉唔满足，就更加系一个食甜品嘅大好藉口！呢间点点甜都想食左一段时间，有次经过旺角分店，店面位置较少，客人又多，放弃左。难得今日喺荃湾呢头，乘机试埋啦。荃湾店比旺角位置多好多，虽然都唔系大大间，但起码会坐得较舒适。小店设最低消费，想share食嘅朋友留意~甜品选择丰富，有大热嘅紫薯、芋圆甜品，另外有软雪糕、中式糖水、芒果系列甜品、刨冰、芭菲、西式甜品例如心太软、千层酥、窝夫等，花多眼乱，随时选择困难症发作，定价合理。大部分甜品都设追加选项，即系以唔同价钱加配料，例如+$4红豆、小丸子；+$6芋圆；+$10雪糕，富弹性。芋圆丸子红豆沙 $26一上枱真系有少少颚然，因为同图片睇起上黎，分别颇大，完全见唔到芋圆嘅踪影。好在用匙更搞匀后，啲配料都出番哂黎，猜想店家可能系先落芋圆，后加红豆沙，变相红豆沙将芋圆淹没左。红豆沙味道就冇乜特别，但由于质地稠身，食落都有饱肚感。配料丰富，份量都算多，有地瓜圆、芋圆、小丸子、红豆。芋圆、地瓜圆烟韧度一般，实左少少，而且本身冇乜味道。小丸子反而比较淋身，更有嚼劲。整体黎讲，芋圆红豆沙就冇乜惊喜，但胜在价钱平，料