珞桐冰室 (已結業)

光顾左呢间小店已经好几年，以前住大埔送左阿女返幼稚园，有时就会约一d家长黎呢度食早餐，而近四年阿女开生日会都系order 呢间既到会，真系又平又好味吖！今日约左d朋友大约3pm系大尾笃BBQ, 早d嚟大埔食个early lunch 再行下。常餐 $30 包热饮（冻饮加$3）沙嗲牛肉通粉，配火腿丝奄列牛油方包 份量唔算大，但够我既份量。沙嗲味好浓，牛肉亦好淋。奄列都多火腿丝。方包系柔软既！我至爱既「一口杏仁朱古力多士」 $28 包热饮（冻饮加$3）真系一啖食一旧，又唔驶自己切，外面劲脆里面系软。$28 一份仲包饮品，我暂时未见过其他地方比呢度平啰！奶茶好饮，够茶味！