影片
更多
2016-10-09
12314 浏览
拣左cafe express同屋企人同朋友一齐食, 要分2段时间 6至8，8：30至11点，拣左前段时间，但原来2个钟食自助餐真系有d赶。Book左3号8大2bb,但应该好full要分2张枱，但都系隔离枱所以都无所谓， book完后系网上seach 到hktvmall 团购，正，见条款话前一日book就得，即刻打去问下系咪可以用，问左可以用讲番个coupon# 或whatsapp番个coupon #去就ok,原价$458，折左后大约330一位都几抵。当日去到见到个场真系好细，攞野食同坐既地方都系一眼望晒，野食款式都算多既。但要照顾埋大帝食野所以都无时间食匀全部。原来鹅肝要加$48先有，因为爸妈，细佬弟妇分别有胆固醇同有身孕所以都唔食鹅肝，咁我同老公同另外2个朋友想食，咁我地分左2张枱就问下可唔可以4个人加4个人唔加，但都系唔得，一加要成枱加，咁我地都算数无加，希望酒店可以改改规矩啦，一班人食饭总有d人钟意食鹅肝有d唔钟意食或唔食得架麻。冻海鲜有阿拉斯加鳕场蟹脚，长脚蟹脚，青口，虾，螺，小龙虾，鳕场蟹脚好受欢迎望左几次都被人攞晒，每次refill都唔多，最终都系食左1转2只脚咁大把，但真
当日去到见到个场真系好细，攞野食同坐既地方都系一眼望晒，野食款式都算多既。但要照顾埋大帝食野所以都无时间食匀全部。
原来鹅肝要加$48先有，因为爸妈，细佬弟妇分别有胆固醇同有身孕所以都唔食鹅肝，咁我同老公同另外2个朋友想食，咁我地分左2张枱就问下可唔可以4个人加4个人唔加，但都系唔得，一加要成枱加，咁我地都算数无加，希望酒店可以改改规矩啦，一班人食饭总有d人钟意食鹅肝有d唔钟意食或唔食得架麻。
冻海鲜有阿拉斯加鳕场蟹脚，长脚蟹脚，青口，虾，螺，小龙虾，鳕场蟹脚好受欢迎望左几次都被人攞晒，每次refill都唔多，最终都系食左1转2只脚咁大把，但真系好鲜甜又肉厚比起长脚蟹脚真系正好多。
蚝有2款一款法国HamaHama，一款爱尔兰，又系多人排之选，每次攞3只，只系食左3只法国蚝，好细只，少少咸味，爽口但唔甜。有2款芝士，Camembert同Blue Stilton，前者比较淡口质感软滑，后者就咸香芝味浓郁，我钟意后者连埋干果一齐食。
冷盘食左烟三文鱼唔会好咸，原只风干火腿连哈蜜瓜同蜜瓜，唔会过咸但唔够油香都几瘦下。生牛肉薄切食落唔会好血腥d汁酸酸甜甜都ok。牛油果芒果木瓜配日式皇后蟹肉沙律好清新，几好味
刺身都几多选择，有三文鱼，八爪鱼，连壳甘虾，油甘鱼，鲷鱼。三文鱼一次俾左5，6件，但唔多新鲜，甘虾就几大只同甜美。
瑞士烤芝士要揾侍应order, 可以配法包，面包条或饼，要左法包，黎到时闻到浓烈既芝士味，味道咸香都几好味，烤焦少少有d脆口可能仲好味。
热盘食左百里香牛尾，个汁好浓郁，牛尾好林又有带点胶质好味。韩式慢煮牛肋肉有d d牛 so味又系好林。日式咖哩蟹脚咖哩汁好稀同得咸味，一d都唔香咖哩味。食食下有个厨师会分每人一件虾多士，都几脆口唔算好油。
仲有每人一只大闸蟹，都几细只无爆膏，送既系咁上下。
葡挞都仲有少少脆口，煎堆好油又唔脆，热情果挞酸酸甜甜好味
软雪糕都好软滑
无得食鹅肝有d失望，仲有见d食评有即切牛肉，但无左得番即煎牛肉。
仲有即煮意粉档，喇沙档，pancake档。
张贴
