山景閣

营业中

休息中

阿妈唔知系边度揾到呢间自助餐嘅优惠，夜晚食一餐自助餐都系300几400蚊有找，去之前都唔会抱太大希望，一心谂住当陪阿妈就算数，点知入到去第一眼就见到竟然有生蚝，真系好有惊喜。生蚝急不及待食咗两只，质素唔差有海水味，仲有我最爱嘅长脚蟹，三个钟自助餐全无间断供应唔使同人争同人抢，长脚蟹肉质唔错仲有海水味，新鲜鲜甜，食两碟已经回本啦。好嘢真系唔好俾佢停，超多肥美三文鱼，又系无间断供应，好食到唔停口。除咗呢啲都有好多平时价钱好高嘅食物，呢度竟然都食到，我觉得食物选择虽然唔多，但品质同味道都绝对超值。热盘都有唔少选择，其中大大条星斑一定要试啦甜品方面有蛋糕同生果，不过最精彩当然系有即整嘅pancake，同埋movenpick 雪糕啦！任饮任食都系呢个价钱，今次真系要赞阿妈做得好，呢度非常抵食，绝对可以再嚟多10次8次。