帝景軒 (已結業)

物价上涨，二三百蚊嘅自助餐选择唔多，帝景轩虽然比较避，但评价都唔错，打电话订枱时职员话提早三日过数每位平$30，$288已连加一。星期日餐厅亦唔算多人，亦唔会因价钱平客人逼位住去拎食物，因为有小朋友，职员安排咗一张边位嘅大圆枱比我哋三人，座位舒适又唔怕小朋友影响到其他顾客。食物方面选择较少，味道中规中矩，个人觉得回本食物唔多。服务方面唔错，收碟快，职员有礼。每人一只芝士焗龙虾，肉质爽口，味道唔错。蟹脚同虾都几新鲜，蟹脚咸味适中，翡翠螺较细只，有少少沙，青口亦都细只，无咩鲜味。烟三文鱼系我最欣赏，微微烟熏味，唔会太咸，入口亦有油香。刺身除咗三文鱼，其他普通，但切刺身师傅大概八点已经离开。芝士焗蚝好细只，好似蚝豉，无咩味。红酒烩和牛面够淋。黑松露蟹肉长通粉唔错，但无黑松露味。黑松露鲜准山莴笋腰果虾仁都唔错，准山同笋好爽口。面档嘅面好大碗，味道麻麻。中汤及忌廉汤。全个蛋糕得斑兰蛋糕同蓝莓芝士蛋糕。回本Häagen-Dazs雪糕有三种味。