山景閣

营业中

休息中

有亲戚黎香港想食自助餐，咁系openrice见到呢间自助餐三百几蚊好平，地点又方便佢，所以就黎左食。餐厅正正系酒店大堂隔离，所以都几容易揾到。而我地都好好彩被安排到近食物既位置，可以知道几时有新野出，哈哈。基本上一般自助餐有既食物都有既，沙律d款式都几齐全，刺身卷物海鲜当然都系唔少得喇！蟹脚同生蚝都系定时出一轮，所以坐近放食物既地方系好大优势。不得不说个蟹脚几好食，够鲜甜。热食方面，饭面一定唔少得。比较特别既系泰式鲈鱼同羊架，羊架味道都不错，够淋，而且个汁都几好。场内仲有即叫即整既pancake，新鲜热辣。甜品区都有十几款甜品，朱古力喷泉呢d都系必备既。而我就系咁食雪糕柜既雪糕，哈哈。总括而言，以三百几蚊既自助餐黎讲，算系唔错既。今时今日都已经几难揾到呢个价位既自助餐。