euro go go (已結業)

出晒名嘅平价西餐，味道唔好预好出众，但可以过吓食西餐瘾。香草杏仁意粉啲香草唔浓，无咩香草味，但酱料够均匀咁沾满，份量又够。本身无打算食啲杏仁，心谂一定腍晒，试食咗粒，仲脆口，惊喜咗吓，应该有焗过。点埋个三色薯皮同个friend share, 三色包括吞拿鱼、火腿同鸡肉，全部都加咗芝士，咸香浓郁，重口味之选。再嚟多个蜜糖鸡翼，啲蜜糖多到好似糖浸鸡翼咁，每口沾满蜜糖香都可以。鸡翼皮够脆，肉有汁够嫩，必点。