意樂餐廳 (長發廣場)

营业中

休息中

今日一家五口同我妹黎到长发谂住带小朋友话下波波池顺便食晚饭，咁我三个女本身钟意食西餐，所以见到呢间系食西餐又唔洗等位就入左去食啦。我地叫左5样野4杯饮品（饮品半价）。蒜蓉包：已经淋左，但好多蒜头，仲有d芝士粉系面，味道都好香，如果佢热同脆就仲好。夏威夷pizza:比较细份，但呢个价钱算系咁，好足料，但料同个批已经分开左，不过味道都好好。墨鱼汁意大利饭：呢个价钱黎谫真系整到好似高级餐厅咁靓，真系好意外。亦都好足料，但味道偏咸。黑松露箘皇意大利饭：都系偏咸，亦唔太够creamy, 同埋佢嘅红洋葱加蒜头偏生、所以比较辣。卡邦尼长通粉：比较水同咸，但够多料，不过都系红洋葱同蒜偏生会辣。抺茶咖啡冰冰：其实似冻啡多，饮唔出抺茶味，但半价算抵。整体黎讲叫咁多样野都系2百几蚊埋单真系一个好选择。