肉肉強食 by 鋒膳 (已結業)

来到长沙湾东京街街口见到个大大招牌“肉肉强食”，几得意好似好好食咁，咁仲等咩呀，入嚟啦。一堆餐牌摆埋一齐影张相跟住先开始慢慢揾嘢食，拣中咗“铁板蒜蓉大虾带子伴牛柳”，加22蚊就变set，有埋了餐包，餐汤同埋饮品，大虾就得1只，带子多D有2粒，仲有大大旧牛柳，上枱时淋D蒜蓉汁，唔错唔错。"手打牛肉汉堡"由于手打之故口感好好多，成个产品叠得几高，需要D技巧先食到。常餐系“奶油猪+滑蛋+沙爹牛肉出前一丁”，非常喜欢滑蛋够晒滑。“生炸鸡翼”好大只，味道适中，外皮脆卜卜。意外惊喜系食完之后竟然话有甜品送，佢哋就系“黑加布甸”同埋“云呢拿雪糕”，唔错，我同朋友都食好开心。