影片
更多
2021-03-25
118 浏览
Affordable Hainanese Chicken Rice30蚊可以食啲咩？攞住30蚊，分分钟连个米线加一个𩠌都未买到😭同朋友无意中行经女人街，发现呢间隐世小店。30蚊已经可以食到一盒新鲜即整嘅海南鸡饭，出品仲好唔错🥳又到月底，简直系月光族福音！🐤海南鸡饭 $30正宗嘅油饭配埋咁多块鸡性价比真系好足👍🏻油饭中间仲夹杂咗香料，可见真材实料，个味索咗啲鸡汁味，真系好正😋个酱微辣清新开胃，而且鸡肉非常鲜嫩，食落去好滑溜，一啲都唔鞋。🐷猪手饭 $30女仔养颜，一定要食下猪手啦~佢哋嘅猪手炆得好腍，而且胶原好丰富，味道校得啱啱好，唔会净系得好重嘅酱油味，加埋油饭一齐食，实在太满足。🥢净猪手 $80因为猪手炆得太好食，所以都忍唔住再嗌咗多份。🥗青木瓜沙律 $12木瓜丝食落去好新鲜，不过食惯清淡嘅我，就觉得个汁重手咗少少~🥭芒果糯米饭 $18估唔到我食完一盒饭之后仲有quota食哂成盒糯米饭🤩佢哋嘅糯米饭都非常之有心思，有红同黑糯米两种，因为加咗椰汁，所以个饭非常香浓，烟烟韧韧。而且上边仲有几块新鲜嘅芒果，十几蚊真系俾得好足料🙆🏻♀️30蚊一个咁丰富足料嘅饭，真系令我惊讶咗好耐🧐一路食，都见
30蚊可以食啲咩？攞住30蚊，分分钟连个米线加一个𩠌都未买到😭同朋友无意中行经女人街，发现呢间隐世小店。30蚊已经可以食到一盒新鲜即整嘅海南鸡饭，出品仲好唔错🥳又到月底，简直系月光族福音！
🐤海南鸡饭 $30
正宗嘅油饭配埋咁多块鸡性价比真系好足👍🏻油饭中间仲夹杂咗香料，可见真材实料，个味索咗啲鸡汁味，真系好正😋个酱微辣清新开胃，而且鸡肉非常鲜嫩，食落去好滑溜，一啲都唔鞋。
🐷猪手饭 $30
女仔养颜，一定要食下猪手啦~佢哋嘅猪手炆得好腍，而且胶原好丰富，味道校得啱啱好，唔会净系得好重嘅酱油味，加埋油饭一齐食，实在太满足。
🥢净猪手 $80
因为猪手炆得太好食，所以都忍唔住再嗌咗多份。
🥗青木瓜沙律 $12
木瓜丝食落去好新鲜，不过食惯清淡嘅我，就觉得个汁重手咗少少~
🥭芒果糯米饭 $18
估唔到我食完一盒饭之后仲有quota食哂成盒糯米饭🤩佢哋嘅糯米饭都非常之有心思，有红同黑糯米两种，因为加咗椰汁，所以个饭非常香浓，烟烟韧韧。而且上边仲有几块新鲜嘅芒果，十几蚊真系俾得好足料🙆🏻♀️
30蚊一个咁丰富足料嘅饭，真系令我惊讶咗好耐🧐一路食，都见到好多人嗌外卖或者入嚟堂食，出品已经跑赢价钱。如果大食啲嘅男仔，建议可以叫店主加多啲饭，因为真系好好食，我自己都食晒成盒XD
旺角扫街之余，如果唔介意环境比较亲民，呢一间小店都不妨一试😉
@bkkwatergatechicken
📍旺角女人街
张贴
