影片
更多
2021-01-06
3964 浏览
用餐时间：星期二1200-1430今日行日lunch都算多人，入座率至少7成。一开始见排队攞冷盘刺身既人比较多，而且攞野食既空间算细，所以就先攻甜品！甜品选择都几多，味道正常，仲有任攞Hagen daaz杯装雪糕，有5只味，分别系蜜瓜，云尼拿，士多啤梨，咖啡，朱古力。葡挞，奶冻我都几钟意。之后系冷盘刺身。冷盘选择都几多，基本既小龙虾，鲜虾，翡翠螺都有齐，特别既有生蚝，不过唔系即开𠮶只。个人觉得冷盘质素麻麻，有一次攞既鲜虾有少少异味，不过整体都可以接受。刺身寿司选择数量正常，不过质素都系麻麻，旧三文鱼食落竟然有骨，好影响印象！热食选择偏少，比较抵食既食物都系得蒸鱼，牛肉，鸭肝。蒸鱼正常发挥；牛肉早轮攞都算ok，食落有少少肉汁，不过后期行过已经见到偏干身，所以无再试；鸭肝味道唔错，算系比较受欢迎既食物，refill速度都几好，唔洗等好耐。餐厅环境整体都算唔错，唔会话好逼惊交叉感染，不过我地坐落张二人台偏细，如果可以坐到其他食客既4人/多人台应该会舒服好多！最后埋单$318 7折再加一，每人就系$254。呢个价钱自助餐黎讲绝对算平，不过质素+款式仲有提升空间，所以性价比一般。值得一赞既系餐厅
今日行日lunch都算多人，入座率至少7成。一开始见排队攞冷盘刺身既人比较多，而且攞野食既空间算细，所以就先攻甜品！甜品选择都几多，味道正常，仲有任攞Hagen daaz杯装雪糕，有5只味，分别系蜜瓜，云尼拿，士多啤梨，咖啡，朱古力。葡挞，奶冻我都几钟意。
之后系冷盘刺身。冷盘选择都几多，基本既小龙虾，鲜虾，翡翠螺都有齐，特别既有生蚝，不过唔系即开𠮶只。个人觉得冷盘质素麻麻，有一次攞既鲜虾有少少异味，不过整体都可以接受。
刺身寿司选择数量正常，不过质素都系麻麻，旧三文鱼食落竟然有骨，好影响印象！
热食选择偏少，比较抵食既食物都系得蒸鱼，牛肉，鸭肝。蒸鱼正常发挥；牛肉早轮攞都算ok，食落有少少肉汁，不过后期行过已经见到偏干身，所以无再试；鸭肝味道唔错，算系比较受欢迎既食物，refill速度都几好，唔洗等好耐。
餐厅环境整体都算唔错，唔会话好逼惊交叉感染，不过我地坐落张二人台偏细，如果可以坐到其他食客既4人/多人台应该会舒服好多！
最后埋单$318 7折再加一，每人就系$254。呢个价钱自助餐黎讲绝对算平，不过质素+款式仲有提升空间，所以性价比一般。
值得一赞既系餐厅既女店员服务超班，收碟速度好快，经常性我地一清完碟野佢就即刻帮我地收碟，自助餐黎讲系好大既加分位！
题外话/补充资料：
打电话提早订位可以有7折优惠！
(以上食记乃用户个人意见 , 并不代表OpenRice之观点。)
张贴
