鐵板燒紗舞縭 (已結業)

啱啱星期六去左Aeon感谢日，血拼前就去左医下个肚先。之前几次都系食附近一间嘅煎鱼日本料理餐厅，今日经过呢间铁板烧铺头见午市唔算多人有位坐，于是就拣左呢间黎试下。餐牌上有二人至四人套餐，亦有一人前套餐，仲有一啲散叫嘅铁板烧食材可以拣。我地为左快啲去血拼，就拣左个唔驶谂嘅海陆空二人套餐。首先黎左个汤同埋一碟冷盘前菜，今日嘅前菜系味附螺肉，汤就好餙，当系湿下个口就算，螺肉就得几旧，又系当系小食算啦！跟住师傅会喺你面前开始整你点左嘅菜式，第一样黎嘅系炒菜，炒得好好，唔会太咸太淋，系油左啲啫，铁板烧通常都系咁。🤦🏻‍♂️再黎就系蒜香薄荷烧蚝，蚝唔会系啖啖肉𠮶只，不过入口唔会有血腥味就算啦。跟住黎埋个黑椒炒牛肉片，普普通通咁，又系同个炒蚝差唔多，揾啲洋葱炒埋一碟咁，不过不失啦。最后黎埋个主菜，香煎龙脷鱼扒拼香煎脆皮鸡脾扒，两样都煎得香脆，不过味道就单调左啲。总括黎讲，味道算系咁，午市套餐黎讲不过不失，想填饱肚子系冇问题嘅。