漢陽樓韓國料理 (已結業)

系将军澳住左几年都未食过呢间餐厅就不妨一试，反正平平地。一入到餐厅都几多人食快餐，而唔系韩烧，于是我都拣左食午餐，价钱由3X蚊至4X蚊不等。我就拣左杂锦大碗饭，贪唔驶谂，虽然有牛肉我又唔食，一于益埋朋友。个套餐本身仲包埋前菜，真系悭番只碟放埋入碗内，真系一碗过，够晒大碗。大碗饭除左有菜外，有牛肉、鸡肉同荷包蛋一只。系韩国餐厅饮汤竟然系中汤，节瓜煲瘦肉汤，都几正气。哈~ 仲比埋两件橙，认真够晒饱同健康。朋友就拣左鳗鱼饭，鳗鱼细细件，又冇乜汁，唔多掂，唔抵食。朋友的前菜就分开左用另一只碟放，认真奇怪。仲有个餐包埋野饮，可以饮酸梅汤或豆浆，我地就要齐两款，同时试晒两款，不过都冇乜特别。