漢和韓國料理

营业中

休息中

以前细个无咁多选择，成日去汉和食韩烧，当时觉得好劲，好好味。但人大左，发觉真正韩烧原来唔系咁，汉和呢种只系港式风味，所以都好少食。不过今日朋友话想试下，咁咪黎食个lunch，话一上到黎都几多人，好彩呢度都好大，座位好阔落， 坐得都几舒服😊。食物种类真系好多， 除咗有烧烤嘅， 仲有啲炸物小食， 少少熟食， 汤甜品 啤酒汽水都系任饮嘅。午市只系百几蚊一个人，仲可以由12㸃食到4点，真系好似时光倒流一样。当然咁嘅价钱，食物质素无得要求太多，只可以话未至于太难食😅，但一定唔系好好味，因为大部分烧烤既食物， 腌制嘅味道系一样既， 根本食唔出有咩分别， 同埋系完全食唔到肉嘅味道，味道都比较甜🤔。好彩有D生菜，可以用黎包住D肉食， 感觉就好味啲🤣🤣。全场我觉得最好味，系个猪脚姜，甜 醋酸得嚟， 好有姜味，味道啱啱好， 猪脚好淋，入晒味，正😋😋。其实咁既价钱，咁多选择，又可以坐咁长时间，真系好抵😃。难怪咁多学生嚟食， 即时谂起以前细个，食咩唔系最重要😊，一大班人柴娃娃聚会先系最开心，回忆返晒黎😁。人大左反而因为有要求，失去左以前简单既快乐😌。总括汉和并唔系高质韩烧，只系廉价放题，不过都一样食得好满足。