古早味休閒台灣 (已結業)

坐低见到呢度既午市优惠好抵，$50左右就可以有主食、小食同野饮。本身想食盐水鸡饭，贪佢多肉抵食d，下午大约一点四十分叫，就已经卖哂。于是拣左台式凉面。凉面味道一般，唔会好浓，有少少麻香。肉条算多，配芽菜食落爽口。炸花枝丸唔错。跟餐加$15可以叫炼汤，黎到见到好似细碗左d，但入面汤料充足。叫左香菇鸡汤，入面有一只菇同几旧肉，冇味精味既。跟餐有三款茶拣，全部都系冇添加糖，几健康。拣左桂花乌龙茶，桂花味唔出，饮落似津路乌龙茶。饮品有其他选择，选择都多，可以补差价跟餐。不过佢d材料可能用机切，d青瓜有切口但冇切哂。见到有d失望。整体黎讲几抵食，想平价食台湾野可以拣呢间。