Cha:rm

营业中

休息中

呢间野长期排长龙，终于有机会试下啦 下午一点黎到已经full哂喇，最后一张就比我地坐左～不过见到系出面等既人都唔洗好耐就入得。今日系由店入面既oppa帮我地落单，佢唔识听广东话，要用英文～野食黎之前食下泡菜先唔算好辣，胜在免费饭卷用料丰富，呢个价钱有10件真系抵食！头同尾咁样放的确醒目，夹落去亦都无散。牛肉饭落足料有好多牛肉架～加埋其他配料，其实有d似吉吉家芝士蛋卷同我想像有d出入，无左应有既浓郁芝士味，真系失色不少！拉出黎果d芝士丝得好少阵味系好轻好轻。蛋卷其实就系将一只煎蛋卷起，因为佢有一定厚度，所以食两件已经好济。相比起其他韩国餐厅，呢个唔值得食呀～海鲜煎饼同薄罉根本系一样，本身自己都钟情食薄罉，所以都觉得ok。当然呢个煎饼既配料比起茶楼就丰富得多啦！佢配左一种汁但我食唔出系咩味，落哂好似无咩味道，唔知咩黎～～～总结，2个人食咁多都要打包一盒拎走，一人都系一百蚊多d，好抵既价钱食质素唔错既韩国菜，抵食架！