肥仔海南雞專門店 (順豐大廈)

营业中

休息中

觅食元朗一直都唔知道元朗有呢一间卖海南鸡饭嘅舖头。由于我阿妈非常之钟意食海南鸡饭，所以我就外卖晚餐我同佢一人一盒海南鸡饭。铺面唔系好大，尚算整齐，𠮶阵5点几，除咗我之外仲有两个人嗌外卖。鸡系完全去骨，而且好软滑，唔会太淋或者韧！油饭仲淋上甜豉油，又有蒜香味，令到味道更加丰富。鸡隔离仲有啲姜蓉，另外附送咗一细樽酸辣汁，全部野加埋晒一齐食非常之惹味！外卖仲每人送一杯鸡汤，味道浓郁，入面有一旧仔冬瓜，几好饮！薏米水就OK啦，清甜。薏米大概占一支饮品嘅四分一左右，几足料。分量来讲，我觉得充足食完都几饱，我阿妈就比较大食，佢就觉得要加饭。