六十六十火鍋 (已結業)

朋友话听闻呢间火锅的海鲜好新鲜，又平，叫我一齐试下。果然唔太贵，仲免收加一。收费根据所选汤底 。虽然不是任食放题，但份量刚好，再加埋泡饭，的确食得好饱。 枱与枱之间嘅距离比较迫。 但枱上嘅进食工具齐全，仲有一个大漱口盅，用嚟装海鲜嘅壳。海鲜配料极为新鲜。 当初大乡里唔明白为何海虾上枱时会有个盖冚住 。原来是为免虾子蹦跳。我地打开盖后，那碟虾生猛到跳去隔离枱嘅地面两次咁多， 搞到隔离枱都笑我哋 ，仲要麻烦员工帮手清洗一下。海鲜类当中最爱象拔蚌仔同鲍鱼， 好鲜甜好有咬口。 蚝仔size细只，但都好重蚝味。肉类当中最喜爱腩仔片， 好重肉味，食起来令我谂起谭仔嘅猪腩肉。而佢嘅响铃就更令我喜爱，唔系买返嚟嘅，系即炸𠮶款。番茄浓汤底脆米泡饭套餐。 汤底一上嘅时候，入面已经有番茄同薯仔，我地先放海鲜煮， 汤底就会变成番茄海鲜汤。 然后喝几啖鲜甜的海鲜汤，才煮肉类和其他配料。所有配料吃光后， 员工会主动过来帮你加米饭，脆米和猪油渣 ，就会变成一锅又香又好味嘅汤饭，口感特别。 脆米食起来好香，好似玄米茶嘅味道； 猪油渣就有一种炸物的香骚味。本来已经好饱但都忍唔住食咗两碗。总括嚟讲海鲜真系好新鲜，服务亦好