唐記包點 (捷榮樓)

营业中

休息中

放假梗系训到「黄朝百晏」嫁啦，训醒想食点心，茶市又过咗，所以就去咗啲外卖店揾点心食。本身都无谂住食饭嘅，但去到见有套餐食又几抵，所以都食个饭餐，1个饭1样点心加罐可乐先$34，喺百物腾贵嘅香港算系超值。既然佢样样点心都均一价$14咁抵，咁唔驶谂，每样要一笼就搞掂，最后嗌咗凤爪排骨饭/春蛋烧卖/牛肉球/鲜竹卷/金钱肚/鸡札，可惜烧卖售罄，如果唔系就买埋佢，排排下队见有阿华田奶茶同阿华田包，新颖嘢顺手做下试伏器。先讲个饭，就系抵啰，味道唔差。点心方面，个春蛋烧卖同金钱肚出奇地好食㖞，个金钱肚个沙嗲味啱啱好，同埋兜金钱肚有两旧萝卜，𠮶两旧萝卜又系好入味好好食。到个阿华田包同阿华田奶茶，其实个包好好食，阿华田味劲浓劲浓，如果钟意阿华田味实会爱上佢。至于个阿华田奶茶，好香既阿华田味，亦都有奶茶既香，估吾到加埋一齐系咁好饮。两个人食到劲饱都系大约一百蚊，下次叫埋个烧卖先得。