拼食三郎 (已結業)

友人喜爱吃紫薯，早前见到网友食，所以带友人试试。出地铁后慢行15-20分钟，到新蒲岗广场。店舖细细，有啲担心，会否是伏。始终伏已中太多了。紫薯芝士锅，鸡是另上的。紫薯锅底颜色较浅色，以为个味会好稀甚至无味，又唔系㖞，有啲紫薯味。入面真系有一件件既紫薯，数量都算多。芝士溶化，令个锅底有啲杰，开始好好玩，啲芝士理不了，理还乱，多次拉扯才断。加入鸡件后，沾过芝士及紫薯，系又甜又咸的情况下味道不俗，想不到是夹的。麻辣双重芝士鸡锅（中辣）（价钱好似系89或98）这个有惊喜，真系有辣味，不过嗜辣的者，可以拣大辣。芝士份量比紫薯的多。溶化后，却无得像紫薯咁玩，再加埋辣味已掩盖芝士味。不过只计食辣鸡煲，以呢个价，呢个味系中上的。后加配料：肩胛肥牛$25好食啲，美国肥牛$9好韧。芝士豆腐$12两粒，上枱时已熟。响玲$12两条，无后期加工，下次可以用焗炉焗一焗。我喺屋企打边炉，都会咁做，脆好多。服务：侍应姐姐好好人，解释我地听，要等芝士溶化，才可放鸡。同我地讲解时，邻枱系咁叫唔该，姐姐都无面有难色，叫佢等等。