Cow Bean (荃灣廣場) (已結業)

牛扒一直都系我嘅最爱。见到一啲平价嘅牛扒餐厅都会忍唔住入去试下。我叫左纽西兰西冷牛扒，冇加任何伴菜。佢嘅牛扒系用铁板上，试过效果满分。 一开始觉得好奇怪点解落单嘅时候佢冇问我几成熟，原来系佢一上菜预设咗就系五成，而你就可以根据个人口味，喺铁板上煎熟佢，将个责任外判卖畀你，以佢咁嘅价钱都可以接受嘅。西冷牛扒牛味都几重，由于佢一开始就系五成熟，所以要快快手食哂佢，唔系就会好靭。而佢嘅配菜有大量嘅洋葱同粟米，令到𠮶餐冇咁油腻。我觉得几抵食，唔使一百蚊食到一个质素ok嘅牛扒。