一休(居食屋)日本料理 (長發廣場) (已結業)

系附近接完男朋友放工，见到餐厅外面有几个拉架介绍食物，好似好多款式，价钱又平民，几吸引，所以我地就入左去。虽然我地得2个人，但店员好好咁带我地去坐4人架位，话比我地坐得松动d。见到晚市定食一人套餐好抵，有好多吾同款既食物拣，但只系50-70内。因为男朋友钟意食牛，又见天气冻，所以叫左杂锦牛肉锅定食。锅入面吾止有肥牛，重有好多款蔬菜，例如金菇、娃娃菜、小棠菜等，非常入味，好送饭，而且牛肉份量几多。而我叫咗鳗鱼炒饭，非常香口，重差吾多每啖都有鳗鱼粒，几惹味。之后想试鱼生，所以点左半客三文鱼肥腩刺身，几新鲜，厚得黎有口感。大食既我地重叫左芝士吉列蚝卷，蚝炸得非常松脆，吾腥，配埋芝士，虽然好邪恶，但好食。间吾中放肆下，冇所谓既。最后，我地重叫左烧牛舌，腌得好入味。今餐真系食得好满足。