Fauchon Paris Le Café (已結業)

首先以价钱比，佢系平嘅！二百蚊唔驶！再以味道比较，佢唔算出众！最后以服务比较，佢系差嘅！我哋今次拣咗呢度食嘢，其实系因为行到攰攰哋想揾地方坐吓，所以就坐底咗！其实之前试过嚟呢度晚餐，味道唔错，当时我哋系坐响舖入面晚餐嘅，而今次系住响外面high tea嘅！首先讲吓啲食物先，件数款式都算多，甜点我觉得质素一般，但又未至于好差嘅，正常啰…咸点反而几好❤！同埋我发现每次服务员拎出嚟嘅high tea set其中一件signature甜点系唔同嘅！我哋今次系酸酸哋嘅款式，可能我自己唔钟意呢啲味道，所以见到人哋𠮶啲系朱古力味就有啲唔happy下次会提佢哋帮我拣朱古力味先。至于点解我会讲服务差呢…其实之前响舖入面食，基本上您举手就有人埋嚟，但今次响外面食完全相反，系举极手都无人理您！就算服务员见到我举哂手，佢都摆出一副唔好嘅表情，𠮶刻真心有啲唔likey！