心煱 (已結業)

上星期去咗太子食饭，食完饭梗系周围行吓睇吓先回家，咁啱又俾我系附近见到有间火锅店，价钱合理又经济实惠，咁咪约埋D为食朋友一齐食，位置系太子地铁站C2出口向前行就会见到好大块广告牌，门口就系隔离好易揾到上一楼揾咗位坐好自然先攞饮品款式都有十多款口味。就开始任饮任食四部曲，先来系第一部曲蒸生蚝1人1只，店员攞咗蒸笼放系电磁炉上面蒸，重有个计时器放便大家计时间几时蒸熟，又几细心，蒸咗大约十分钟内就食得，生蚝肉质尚算肥美，不过不失到第二部曲系烧乳鸽1人半只，热辣辣乳鸽烧得非常甘香，乳鸽肉质嫩滑又够味第三部曲系鸡煲要咗芝士味道，未食已闻到香浓芝士味，鸡肉滑嘟嘟煮得相当入味，连配菜青椒红椒同洋葱食落一样咁滋味第四部曲任食火锅正式起动，汤底点咗新口味泰式冬荫功汤锅，汤底已呈现深浓红色，食落应该几嘢味，至于配料猪，牛类梗系必食首选，其次手打制自家丸质素有保证肉丸肉质鲜嫩又弹口，云吞同饺子一样有质素用料足，至于其他食材都不过不失，食到尾升梗系要食番杯雪糕当甜品最后梗系食到肚饱饱，咁嘅价钱有咁质素已好满足。