牛一 (元朗廣場) (已結業)

听人讲话牛一做紧逢星期一至四会员买一送一，咁今日就同我母亲大人去食。见唔系好肚饿，我就叫左60分钟任食，咁呢逢星期一我唔会牛肉，咁就叫咗豚肉，豚肉就真系鞋咗啲，如果涮得太熟情况就更加明显，我都系见刚刚好转色，就拎上碟。个汤底又真系味精比较多，味精多系正常既，所有火锅店都系咁㗎啦！至于出边自助区就蔬菜选择比较多，羽衣甘蓝都有，而且又系任食。油麦菜白菜都有！肉丸选择就不过不失啦！我见到有白饭，但系真系好小人会去食白饭。至于饮品选择就尚可，基本要嘅嘢都会有。但啤酒就真系令人失望啦，清一色，冇得拣。侍应既态度就普普通通，冇咩特别，亦会提醒你几时够钟。总括而言，抵食真系抵食嘅，如果想打边炉，又唔想洗野，都值得去试下既。