響葫蘆 燒物 . 居酒屋 (已結業)

某日同朋友行街，经过亚士厘道一幢商业中心，咁啱行到肚饿就谂住睇下有咩好食。千挑万选之下终于拣左「响葫芦」。唔知系咪因为时间尚早，上到去唔算太多客人，初时都担心会唔会只系一间普普通通嘅日本餐厅，但系食完之后发觉比想像中更有惊喜... 坐低左之后，我同朋友叫左个极上二人餐，当中有好几个菜式都令我地非常难忘！首先上场嘅系软壳蟹卷 。软壳蟹加沙律酱，软壳蟹就带有咸咸地，而沙律酱就带有甜味，食落去就好似有两种感觉同时系个口度出现咁，加上上菜𠮶阵，软壳蟹仲系保持热同脆，对比起沙律酱同饭嘅质感截然不同，两者放埋一齐洽到好处 。饭卷上面仲有啲蟹子，佢嘅存在令整个菜式嘅口感更加丰富，可以话系锦上添花！最重要嘅系当你以为软壳蟹同沙律酱会好腻嘅时候，其实佢地嘅味道就好似一凹一凸咁，互相中和，食晒两旧都唔会好腻，就算叫多碟都无问题！ 不得不提嘅仲有鸡软骨。开头以为炸野一定好油，但系同我谂嘅完全系两回事 。从卖相睇到个鸡软骨唔算好肥腻，但系食落口亦都唔系干憎憎嘅感觉，可以睇得出厨师好有心思，尝试令食物好食之余亦都顾及食客嘅健康 ！个鸡软骨皮脆内软，食落有少少辣，但系系可以接受嘅程度，辣味令人更加开胃，