樂天客棧 (已結業)

今日放工同同事去左奥海城既乐天客栈，呢度装潢算系几光鲜，非常洁净、舒适，黎到既时候我expectation都几高下。食物可点细、中、大份，人多人少都能照顾到，价钱列明清晰。即使系细份，其实份量都唔太细份，两三人食都绝对足够。每件只需$20，松软包底夹住大块厚切扣肉，猪腩肉入味而且有肉香，酱汁够晒浓郁，夹包食真系一流，加几块生菜仲可以无甘腻。呢道菜系其中一款店方推介既招牌菜，千其唔好以为豆腐就无咩特别，酱汁以菜甫、肉碎、冬菇等既材料煮制，铁板底仲有蒜香煎蛋，微辣而有蚝油香，非常惹味，味道既层次相当丰富。豆腐外脆内软，仲好幼滑，伴汁食饭确系一流。蒸肉饼虽然系家常小菜，但系去唔同餐厅都总系想试下唔同味道，总想货比三家，睇下同屋企既有咩唔同。肉饼幼滑，唔会太松散亦唔会太实，恰到好处，肉饼本身唔太咸，调味适中，但伴埋咸鱼黎食又几有风味。有肉饼又好难唔捞食饭，但系白饭又单调左少少，所以点左个扬州炒饭，但其实菜甫汁都好惹味好岩捞饭食。炒饭饭粒分明，用料充足，当然连质素都好似比一般餐厅高左一级，简单炒饭都整得几好食。