小洋蔥 (已結業)

食之前见有师兄话带位无礼貌 食品呢样无果样无 / 本住好丑一餐心态就去试试~ 系6点几7点时分入场 首先讲讲态度 , 我入去时系无人带我位的 所以我求其揾个位坐低左 / 期间有位男员工可能见我单拖入去坐 都黎同我吹左两嘴 到讲食物 , 我叫左一个肉眼扒 一个磨菇汤 一个炸洋葱圈 ,首先个汤系几好的~(之前都有听周围D朋友讲) , 好重蘑菇味 , 个人黎讲有小小唔够咸!  赞!到个洋葱圈 , 粉唔会太厚  洋葱好甜 ,   赞!最后牛扒黎到 ,  讲四成真系四成 , 火侯控制得唔错 , 我拣果个"芥末酱" 好重蒜头味块扒有成人男士手掌咁大   重点系佢好厚  ,  食落外面唔会㶶 ,  里面唔会冻    赞!所以我今次食都几满足  , 至于师兄话份量唔够 , 我一个成年男人(肥)  都食到饱住走   所以~至于礼貌方面由于我 无人带埋位  所以不予致评  但亦无觉得特别无礼貌餐牌上面  的确系有好多野售罄 , 呢个系我觉得要改善的 。 但体谅到佢岩岩开业都唔够一个月 , 我可以接受 , 始终新开餐厅预食材系需要经验。