水蜜桃冰室 (已結業)

港式铁板餐真系好耐未食过，以前只有考头十名，M妈先会带我去冰室或茶餐厅据扒，随住人越嚟越大，食嘅嘢越嚟越多，好似都有好耐无食过铁板餐喇，难得今日A姐要开OT，独留我自己一个人食饭，一于去旺角嘅水蜜桃冰室据扒啦。蒜香鸡翼鸡翼炸得好香脆，脆卜卜而且大大只，蒜味浓郁！铁板纽西兰牛柳呢度嘅铁板餐会先将酒淋上炙热嘅铁板上，再点火！哗！好夸张呀！但就系咁而令肉质加添焦香味，5成熟就啱啱好。之后淋上黑椒汁，听到铁板上嘅滋滋声就最幸福啦。铁板上有3大块牛柳，肉质尚算不错，真系好抵食。芒果雪葩芒果好鲜甜，浓缩嘅果肉运入雪葩之内，好好味！食冰室又点可以唔饮港式饮品？今日就饮咸柠七啦。