大快活

营业中

休息中

近排环境唔系咁好，食饭都要悭住，所以都系光顾啲平价快餐店，不过悭得嚟都唔一定冇好嘢食，今日食嘅呢碟铁板黑椒牛乌冬，连埋杯轻糖冻绿茶都只系HK$ 35，抵到一个点！呢排嘅牛肉相对抵食，因为猪肉就算你够胆食都未必食得起，而呢个餐嘅牛肉都切得颇厚，咬落有质感，有五、六成熟，肉汁丰富，块铁板亦烧到好红，发出「吱吱」声，好有「铁板」feel，成个制作都唔似系平价餐。至于乌冬亦系煮得弹牙有咬劲，而且煮𠮶阵亦唔会用太多油，唔会有食滞嘅感觉。不过最令猴子满意嘅都系杯轻糖冻绿茶，少少嘅甜味，入口甘凉，用嚟对冲黑椒嘅辣味就啱啱好。