木子甜品 (已結業)

饭后甜品，我同朋友去左木子甜品到食，佢地呢个就食牛乳布甸同芋圆，我就食左个芒果黑白 ($26)价钱黎讲都平，比起出面好多糖水店黎讲，可能要成30几蚊！你系咪同我一样都R爆头呢？咩系芒果黑白，斋睇字我就知有芒果啰，但你问我咩系黑白？睇下咪知啰😱所谓既黑白咪就系紫米露+云呢拿雪糕！面头再加D芒果~芒果唔酸，仲甜甜地，好难得！份量适中又唔算话系好多👍🏻👍🏻紫米露好冻，又正又甜，份量都算多架啦，好食~云呢拿雪糕就有一球，不过就比较快溶，所以我建设拿拿声食左个雪糕比较好，除非你系钟意个雪糕系溶左落去个紫米露到Mix埋一齐食啦😋我食完一个已经好饱，我个两个朋友仲想追加两个芋圆食，听老板讲呢到既芋圆系特别好卖，我朋友想叫第二转岩岩都要等多5分钟左右先有新既出炉，佢地真系好好彩！😬