蓮苑 (已結業)

圣诞前夕同同事食餐好西，路过K11见到有新店，睇下个餐牌都几吸引，仲唔洗等位，即刻试一试！多多少少因为新开，装修就新派中式风格为主，几淡雅别致，坐得好舒服，啲位都阔落，整体就餐环境大家都几满意！餐牌选择超多，粥粉面饭都有，叫左几个小菜，上菜速度同食物温度都好ok！ 菠萝咕噜肉几有镬气！新鲜热辣！酸甜度刚好！👍🏻 螺头炖鸡汤，汤色金黄，清澈，入口清甜，冬天饮大满足！😋 韭黄滑蛋炒牛肉，呢个要比十个like，肉够多！蛋好滑但唔会油淋淋，劲想叫多一份打包！ 葱油鸡，嫩滑，葱香令人食欲大振，鸡都好滑，皮薄，加埋啲汁都几惹味！！原来仲有甜品！😍但真系太饱，下次要试埋 整体嚟讲食得都好满足，同场嚟讲性价比算几好，美中不足就觉得冻饮太细杯，同埋份量再多少少就更好了！