Plat du Jour (已結業)

餐厅装修平实，阔落舒适，金钟地铁站太古广场地库出口见到大堂架红色小巴就系。头盘叫咗牛肉他他、焗蜗牛同埋两个洋葱汤。好耐冇食焗蜗牛，但系呢度做得麻麻，净系得蒜蓉味，欠缺牛油香味，牛肉他他都系几好，洋葱汤都唔错，洋葱味够浓郁。主菜叫咗龙虾尾阔条面、肉眼扒、炸鸡扒同埋青口。龙虾尾阔条面同肉眼扒都唔错，青口亦都系水准之上，但炸鸡扒就及唔上麦当劳嘅麦炸鸡。甜品叫咗苹果批、焦糖炖蛋同埋心太软。前两者都好好。呢间餐厅嘅服务值得赞一下，甜品嚟之前我走咗去洗手间，跟住甜品就到，但我未返嘅时候啲苹果批同心太软上面嘅雪糕已经开始融融哋，侍应就主动收返去等我返嚟再整过拎出嚟。