巧興麵食店

营业中

休息中

听闻土瓜湾有间屹立三十多年的北京风味饺子面食店，仲被视为”土瓜湾三宝之一”，今日决定搭巴士再转地铁黎一探究竟。是日礼拜六下昼非繁忙用餐时段，黎到嘅时候未见其他食客。店内其中一位妈妈正在起敬包饺子，其他两位妈妈就系厨房里面忙碌。小店嘅环境唔单只朴素，可以讲系比较简陋，墙上嘅餐单简洁明瞭，无花多眼乱嘅选择。巧兴既然主打北京饺子，当然要试下。叫左半分三鲜煎饺($25)，饺子煎得刚刚好，入口香脆，饺子皮厚度适中，而且又唔会太大只，里面嘅馅料肉汁香甜，系我喜欢嘅味道。另外炸酱面($35)也颇有惊喜，肉酱汁份量足够，而且咸甜适中，面也够烟韧，会令人食过翻寻味。小店内部环境虽然普通，但系食物嘅质素唔错，感觉是用食物俘虏街坊用心经营的小店。埋单嘅时候留意到收银台旁边贴著一张纸写上 “事临头三思后行，怒上心一忍为高，退一步天空海阔，让三分心平气和”。收获了一碗面，一份饺子嘅美味之余，还提醒了自己与人相处谨记谦让同包容。