Coffee by Zion

营业中

休息中

好少去到西营盘食饭，贪方便喺地铁站出口对面就入咗呢间餐厅。佢地方唔大不过好有气氛，仲有户外座位选择添。泰式牛柳沙律唔好以为系沙律份量就会少，佢啲牛柳有好多件，烧得好香又够嫩，沙律菜份量好多亦好新鲜，最特别系佢嘅泰式沙律油，少少辣好开胃。拿坡里海鲜蕃茄意粉佢嘅海鲜有带子虾青口同鱿鱼，件带子非常出色，煎得又嫩又多汁，其他海鲜都好新鲜，另外茄酱调味好好唔会太酸，唯一可惜系意粉稍为偏软身。佢午餐时段爆满，不过服务都好好。过咗午餐时段仲可以好舒服咁慢慢坐，叹下咖啡添。