北京水餃皇

营业中

休息中

又系头痕今日LUNCH食咩好，毫无头绪咁由金钟行咗过黎湾仔，见呢间北京水饺皇都几多人食门口呀姐又话有位就入咗黎啦。不过入到去系无位既其实，我哋就企咗喺收银位，呀姐就利用我哋作压力迫走两个啱啱食完既OL，最唔钟意呢啲食完就迫人走赶头赶命既餐厅。 坐低都唔系好敢将手同手机放喺枱面，枱面好多污垢。唉，算啦都入咗黎就试一试佢，我哋叫咗韭菜猪肉水饺面同白菜猪肉水饺面。 白菜猪肉水饺面好一般既水饺，无咩肉得好碎既白菜，唔知系咪煮得耐定包得唔好，仲有一两只爆开咗。淡淡的一碗面，唯有加返少少豆板酱拯救吓，个豆板酱个瓶都污污蔑蔑咁，睇见都无咩胃口。 唔系几明点解咁多人食，明明附近有咁多其他正嘢其实