意樂餐廳 (荃錦中心)

营业中

休息中

3:26行经荃锦中心见意乐外面有条人龙，打听下知道系外卖脆皮咸猪手，未腍到夜晚煮咩𩠌，人排我又排，买番只加𩠌。猪手要3:30才开卖，每人到柜位俾钱，职员在柜台旁把包装好嘅猪手俾你，行动好快，轮到我时已经系最后一份。好彩买到，唔驶白排。一日都有几次出炉时间，3:30之后要4:30先再有。猪手放系纸袋内再用胶袋装好，拿在手都仲热热哋，有阵猪手香味渗出嚟。要脆皮就唔好焗住个袋，所以我都打开小小个纸袋透气。回家打开仔细睇吓，猪手有5寸长，都几大只。用刀叉去切开猪手层皮，皮层几厚，口感较韧，不过始终在袋内一段时间，脆的部位都变淋了，剩番小小脆边。猪手肉质较硬，味道不太咸较淡口，一只猪手都切出好多块肉，醮上附送嘅黑椒汁先够味。不至于好好食，但平平地偶而买番屋企加𩠌都唔错。