森記甜品之家 (已結業)

食完韩国午餐，见仲有大把时间至要够钟，路经此地见个雪柜入面的涷甜品好似几吸引，所以又来食甜品。装修布置都话俾人客知叱度有番咁上下历史，的怀疑佢原先是一间茶餐厅，而后来才变成专卖糖水。款款甜品都几平，大部份都在十蚊楼下。叫了雪耳木瓜糖水同腐竹糖水，天气有点热，所以全部都要涷的。我的雪耳木瓜糖水要11蚊，在这里来说算是贵领糖水。木瓜几清甜，亦有唔少雪耳，凉浸浸都几好；同事们的腐竹糖水只8蚊，好平，味道听佢地讲亦不错。见佢仲有蛋白炖奶同蜜枣雪梨糖水，都好似几吸引。