影片
更多
2023-04-02
564 浏览
想喺商場內食個快餐，見呢間門外嘅餐牌價錢幾平就入去試吓。見兩三張檯的客人都係食烤雞，但我怕要用手拎住咬好論盡就冇叫。叫咗麻辣無骨雞飯配紫菜蘿蔔雞湯（$50），驚會好辣，另加$6要枝冷泡茶。收銀阿姐幾有禮貌。一打開個盒（唔知點解堂食都係俾外賣盒），原來麻辣係畀一盒辣醬你自己加落去雞度，呵呵，咁有誠意。雞肉瘦咗啲啲，ok啦唔鞋口，飯少少濕，唔係粒粒分明嘅油飯。有啲醃蘿蔔配菜，酸微微唔錯。雞飯整體味道尚可。湯係熱嘅，不過味道好淡，而且廚房店員一開始放托盤度就倒瀉，整到個盤浸濕都唔換返個盤界客，真係求期。冷泡茶在雪櫃自己攞，透明膠樽泡住三角茶包，好似係烏龍茶，飲唔晒可以拎走。店內有洗手盆、洗手液及抹手紙，環境都算乾淨衞生。
見兩三張檯的客人都係食烤雞，但我怕要用手拎住咬好論盡就冇叫。叫咗麻辣無骨雞飯配紫菜蘿蔔雞湯（$50），驚會好辣，另加$6要枝冷泡茶。收銀阿姐幾有禮貌。
一打開個盒（唔知點解堂食都係俾外賣盒），原來麻辣係畀一盒辣醬你自己加落去雞度，呵呵，咁有誠意。
雞肉瘦咗啲啲，ok啦唔鞋口，飯少少濕，唔係粒粒分明嘅油飯。有啲醃蘿蔔配菜，酸微微唔錯。雞飯整體味道尚可。
湯係熱嘅，不過味道好淡，而且廚房店員一開始放托盤度就倒瀉，整到個盤浸濕都唔換返個盤界客，真係求期。
冷泡茶在雪櫃自己攞，透明膠樽泡住三角茶包，好似係烏龍茶，飲唔晒可以拎走。
店內有洗手盆、洗手液及抹手紙，環境都算乾淨衞生。
麻辣無骨雞飯配紫菜蘿蔔雞湯 加冷泡茶
$56
59 浏览
1 赞好
0 留言
麻辣無骨雞飯
172 浏览
0 赞好
0 留言
张贴
