韓日屋燒烤放題 (已結業)

今日朋友话想食放题，但又想食韩烧。一次过满足两个愿望，咁唯有就拣左呢间放题。坦白说，对琼华中心楼上既食肆没有太大好感。正所谓，中伏太多总有阴影。既然朋友叫到，试一次半次，最多咪无下次，怕什么！😤个人黎讲，我就唔系太钟意食韩烧。尤其是现时极盛行嘅韩式烧烤（即系有炉边蛋个D呢）。嗯度好明显就系港式韩烧，好似以前细个食汉和个类韩烧咁。唔正宗又有咩问题，最紧要好食！个炉一黎就有张（隔油纸？？！）垫底，的确又真系无咁易整黑个铁板，餐厅又可以唔使成日换铁板而又方便到客人㖞。呢D烧物无咩点食，反而我要推介呢间放题既熟食，有D诚意。韩式鲑鱼炒粉丝唔好睇佢杂乱无章，粉丝条条入味，不会太干，并带有少少韩式辣酱味，而且又有很多鲑鱼粒粒同蛋丝，味道十足。七味鸡软骨辣鲜炸起，食落唔觉用万年油炸起。炸粉又唔太厚，洒上七味粉，有少少辣，脆卜卜，正！煎泡菜海鲜煎薄饼一客四块，原来我以为系韩式泡菜煎饼黎，点知口味完全唔同。薄饼超薄又脆口，薄饼上既泡菜唔算太辣，食完一块再食一块，好快就清哂！最后甜品选择唔少，想食cheese cake又得，雀巢杯装雪糕、百福豆腐花及粒粒雪米糍全部都有，简简单单食个豆腐花及迷你蛋糕作结。