影片
更多
2024-06-08
189 浏览
正！ 一直bookmark左呢间平民泰菜餐厅，今晚终于嚟左。晚饭时间都真系几多人，等位等左大约10分钟，好彩唔算等左好耐。最近学整生菜包，但试左几次都觉得唔似，今晚除左因为平民价钱嚟朝圣之外，就一心谂住嚟试真d肉碎，睇吓究竟争左d咩。想自己整生菜包，因为好怕食d劲酸、劲辣、或劲重香料果d，所以就想自己整，可以落少d调味，但整极都唔似。今晚迷题终于解开，bookmark呢度就系因为见过人家食评话呢度味道较清，果然，呢度嘅生菜包正正系我喜欢嘅味道，微酸、微辣，刚好可以开胃，刺激味蕾。原来呢度嘅肉碎唔只肉粒，仲有不少肥肉，可能就系因为咁提升左肉嘅香味；另外仲见到有唔少嘅干葱，当用新鲜生菜包住肉碎一齐食，味道确系更丰富、更惹味。除左生菜包之外，我地仲嗌左冬阴功、蒜蓉包、芒果糯米饭、椰汁三色冰。要左个细嘅冬阴功，我地两个唔大食嘅人都好够分，汤味香浓，汤料又多，最重要系唔会大酸大辣，呢间泰菜馆真系好啱我呢d怕酸怕辣，不过又钟意食泰菜嘅人。蒜蓉包脆卜卜，就算我地唔系即时食，沾上冬阴功汤一齐食都依然又咬口，蒜味浓郁。最最最最好味系芒果糯米饭，上枱时见到出晒烟，以为因为有热椰浆舖面嘅缘故，食落先知原来除
最近学整生菜包，但试左几次都觉得唔似，今晚除左因为平民价钱嚟朝圣之外，就一心谂住嚟试真d肉碎，睇吓究竟争左d咩。
想自己整生菜包，因为好怕食d劲酸、劲辣、或劲重香料果d，所以就想自己整，可以落少d调味，但整极都唔似。今晚迷题终于解开，bookmark呢度就系因为见过人家食评话呢度味道较清，果然，呢度嘅生菜包正正系我喜欢嘅味道，微酸、微辣，刚好可以开胃，刺激味蕾。原来呢度嘅肉碎唔只肉粒，仲有不少肥肉，可能就系因为咁提升左肉嘅香味；另外仲见到有唔少嘅干葱，当用新鲜生菜包住肉碎一齐食，味道确系更丰富、更惹味。
泰式肉碎生菜包
$88
206 浏览
0 赞好
0 留言
除左生菜包之外，我地仲嗌左冬阴功、蒜蓉包、芒果糯米饭、椰汁三色冰。
要左个细嘅冬阴功，我地两个唔大食嘅人都好够分，汤味香浓，汤料又多，最重要系唔会大酸大辣，呢间泰菜馆真系好啱我呢d怕酸怕辣，不过又钟意食泰菜嘅人。
蒜蓉包脆卜卜，就算我地唔系即时食，沾上冬阴功汤一齐食都依然又咬口，蒜味浓郁。
最最最最好味系芒果糯米饭，上枱时见到出晒烟，以为因为有热椰浆舖面嘅缘故，食落先知原来除左椰浆系热嘅之外，连糯米饭都系热腾腾嘅，配上甜度极高、微冻嘅芒果同食，冰火、香甜、软糯，真系好食到想自己食晒一整份。
芒果糯米饭
$58
312 浏览
1 赞好
0 留言
难怪舖头有人排队等位，此店值得一再回顾。
张贴
