愛家國際餐飲 (已結業)

午市套餐，三𩠌一汤，仲有红米嘅饭，才$50，好抵呀！不过，啲"肉"系假嘅，系素肉，今日专登为年初一二三四，食餐素，清一清个胃。位于一间极旧嘅大厦１楼，前门楼梯好窄，后门嘅升降机系要拉门嘅。入到去，见到好多素/有机产品，包括素狗粮/有机果仁。街景好开扬，对住条大街，见到大有广场。食物味道，适合清茶淡饭人士，如果食惯重口味就会觉得淡少少。食肉兽最想知啲肉似唔似真肉，嗯... 三𩠌其中一个叫咗个西柠猪扒，汁够味但杰咗少少，而块猪扒就明显唔系猪扒。我唔知道食斋嘅人会唔会觉得好似，但我食肉嘅人就觉得唔似。不过总括而言，OK。