小叻沙 (已結業)

食舖正正位于利舞台对面， 食舖可以话系占尽地理上嘅优势，吸引街外客逛完街找个地方歇一歇。食物质素不是太标清。今次叫扎肉喇沙，掺掺面底，姐系一半系米粉，一半系油面。本人觉得食落口感有啲怪，喇沙汤唔能够同面底互相配合，所以我建议一系就全米粉，一系就全油面，纯粹个人口味。另外，汤底好一般。虽然唔讲得上系差，但就唔系有水准。佢不但没有香浓嘅椰香，而且欠缺喇沙独有咸咸甜甜嘅味道。至于扎肉，可以话系中规中矩，胡椒粒令扎肉更香，系有提升嘅作用。其他配料，例如蛋、豆卜同青瓜丝就无咩特别可以多讲。