上海婆婆 (已結業)

系香港，上海餐厅多得很，就算连锁既都有一大堆，今次选择上海婆婆，第一次试菜，我觉得佢地食物平平无奇，无咩大惊喜，只能说是一顿不过不失既晚餐。今晚既晚餐总共叫左6款𩠌菜。首先有蟹粉小笼包，我略嫌皮唔够薄，师傅整馅料时压得过实，所以肉既口感有点结实，汤汁虽然尚算热乎乎，但唔够鲜甜，有d失望。再来冷盘四小拼，当中我只系食过肴肉、小排骨，味道尚可，但另外二款卖相唔吸引，所以试都唔想试。砂锅腌笃鲜真系一个败笔，首先个汤好咸，唔热，觉得自己似饮紧茶记例汤，无诚意，一定唔会再叫呢个汤类呀！再来雪菜肉丝炒年糕，呢个咁简单既菜都好难整得难食既。之后个担担面味道有啲辣，如果钟意浓味嘅朋友都应该会觉得OK，最后一味就系皮蛋豆腐，豆腐用既系超市买嘅即食豆腐，相信成本应该好平，所以唔建议order。总括来说，呢一餐一定唔系物超所值，短期内应该唔会再去帮衬。