燒烤堂 (已搬遷) 新店位置

睇完戏，同朋友附近揾到呢间串烧店。地方唔算大，座位唔算多，但都算坐得舒服。我地叫左唔少串烧，有牛舌，柠蜜牛油包，牛油蒜蓉焗金菇，海鲜等等。当中我地推荐韩式地道家庭料理生菜包-牛仔骨好入味，好松化，而且配菜份量好充足。另外麻辣鸡翼都系值得一试！除左辣度好够之余，仲非常香口。至于其他串烧就觉得普普通通，牛油蒜蓉焗金菇烧得岩岩好，充满牛油香，但就略嫌蒜蓉味唔够重。柠蜜牛油包见外面好少见，所以试下，牛油太多，令到个包好快软惗，唔太好味。海鲜方面，我地叫左烧元贝同蛏子，都尚算有海鲜既鲜味，但就烧既时间过长，令到两者都太难咬开。其余既串烧，例如牛舌，鱿鱼须，鸡软骨则正正常常，没太特别。饮料方面柚子蜜梳打同青柠波萝梳打，两耆唔算太甜，食串烧配梳打，一点都唔觉得油腻。