たまご園 (北角匯) (已結業)

当日行匀北角两个人谂唔到食咩，隔离Pizza Express又大排长龙。见到隔离依间卖相唔错，就入去食下啦，加上佢啱啱开业嘅时候食过一次甜品冇食正餐印象唔错。咁当日我就拎住杯手摇入去嘅，咁我都乖冇开同冇饮嘅。点知个操口音嘅男侍应就已经态度恶劣冲过黎话依到唔比饮其他嘢。其实我都冇开始过饮，加上好明显系有更加礼貌嘅说法嘅。咁就叫嘢食啦，我地就叫咗三样嘢食啦，一，玉子烧，二，海鲜蛋包饭同吉列猪滑蛋饭。玉子烧就一如既往咁好食啦，但系其余两碟嘅，可以话除咗蛋同猪排之外嘅所有嘢都系一文不值。先讲赞嘅，蛋香浓郁，个猪排都啱啱好唔好太多炸浆同炸太耐。到弹，个饭原本想讲下佢系咪用日本米，发现已经系煮太耐煮到一pat嘢糊仔咁已经系不能辨认，其次系啲海鲜，啲鱿鱼硬到香口胶咁，啲带子又老又霉。之后拎餐具系仲有污渍嘅。到埋单𠮶阵我地讲埋单无人现我地，第二次再讲，佢就指住门口𠮶到自己出去埋呀。依到真系UCC价钱澳牛服务两𩠌饭质素加只靓蛋。唔怪得附近几层餐厅全部要等位，得佢依间唔洗。